പുതുവത്സര ആഘോഷങ്ങളിൽ പങ്കെടുക്കാനെത്തുന്നവർക്ക് സുഗമമായ യാത്രയൊരുക്കാൻ ഒരുങ്ങി കൊച്ചി മെട്രോയും
ന്യൂ ഇയർ ആഘോഷങ്ങളുടെ ഭാഗമായി കൊച്ചി മെട്രോയുടെ സർവീസ് സമയം വർധിപ്പിച്ചു. ജനുവരി ഒന്നിന് പുലർച്ചെ ഒരുമണിവരെ മെട്രോ സർവീസ് ഉണ്ടാകും. ഡിസംബർ 31ന് രാത്രി 20 മിനിറ്റ് ഇടവിട്ടായിരിക്കും സർവീസ് നടത്തുക.പുലർച്ചെ 1 മണിക്കാകും ആലുവ, എസ് എൻ ജംഗ്ഷൻ സ്റ്റേഷനുകളിൽ നിന്നുള്ള അവസാന സർവ്വീസ്. ഗതാഗതക്കുരുക്കിൽപ്പെടാതെ പുതുവത്സര ആഘോഷങ്ങൾക്ക് എത്തുന്നതിനും തിരികെ പോകുന്നതിനും പൊതുജനങ്ങൾക്ക് കൊച്ചി മെട്രോ സർവ്വീസ് സഹായകരമാകും.
ഗതാഗതക്കുരുക്കിൽപ്പെടാതെ പുതുവത്സര ആഘോഷങ്ങൾക്ക് എത്താനും തിരികെ പോകാനും പൊതുജനങ്ങൾക്ക് കൊച്ചി മെട്രോ സർവീസ് സഹായകരമാകുമെന്ന് പ്രതീക്ഷിക്കുന്നതായി അധികൃതർ അറിയിച്ചു. നഗരത്തിലെങ്ങും നടക്കുന്ന പുതുവത്സര ആഘോഷങ്ങളിൽ പങ്കെടുക്കാനെത്തുന്നവർക്ക് യാത്രാ ക്ലേശമുണ്ടാകാതിരിക്കാനാണ് കൊച്ചി മെട്രോയുടെ സർവീസ് സമയം വർധിപ്പിച്ചത്.
