ബോക്സ് ഓഫീസിനെ വിറപ്പിച്ച് മോഹൻലാല്‍ ചിത്രം നേരിന്റെ കുതിപ്പ്
മികച്ച പ്രേക്ഷക പ്രതികരണം നേടി തീയ്യേറ്ററുകളിൽ തുടരുകയാണ് നേര്. മികച്ച പ്രതികരണമാണ് ചിത്രത്തിന് പ്രേക്ഷകരിൽ നിന്ന് ലഭിക്കുന്നത്ആഗോള ബോക്സ് ഓഫീസിലെ ഒരാഴ്ചത്തെ കളക്ഷൻ കണക്കുകള്‍ പ്രമുഖ ട്രേഡ് അനലിസ്റ്റുകളായ സൗത്ത്‍വുഡ് പുറത്തുവിട്ടിരിക്കുകയാണ്. നേര് ആഗോളതലത്തില്‍ ആകെ 40 കോടിയില്‍ അധികം നേടി എന്നാണ് പുതിയ ബോക്സ് ഓഫീസ് റിപ്പോര്‍ട്ട്.മോഹൻലാലിനെ കേന്ദ്ര കഥാപാത്രമാക്കി ദൃശ്യത്തിന് ശേഷം ജീത്തു ജോസഫ് ഒരുക്കുന്നകോർട്ട് റൂം ഡ്രാമയാണ് നേര്. ആന്റണി പെരുമ്പാവൂരാണ് ആശിർവാദ് സിനിമാസിന്റെ ബാനറിൽ ചിത്രം നിർമിക്കുന്നത്.
മലാളത്തിന്റെ പ്രയങ്കരനായ മോഹൻലാലിനെ കുറേക്കാലത്തിന് ശേഷമാണ് ഇത്തരം ഒരു വമ്പൻ ഹിറ്റ് ലഭിക്കുന്നത് എന്നതാണ് പ്രധാനം. തുടര്‍ച്ചായി പരാജയങ്ങള്‍ നേരിട്ട മോഹൻലാലിന്റെ തിരിച്ചുവരവായി മാറിയിരിക്കുകയാണ് നേര് എന്നാണ് പ്രേക്ഷകരുടെ അഭിപ്രായംഗണേശ് കുമാർ, സിദ്ദിഖ്, ജഗദീഷ്, അനശ്വര രാജൻ തുടങ്ങിയവരാണ് ചിത്രത്തിലെ മറ്റ് കഥാപാത്രങ്ങളെ അവതരിപ്പിക്കുന്നത്. സതീഷ് കുറുപ്പ് ആണ് ചിത്രത്തിന്റെ ക്യാമറ കൈകാര്യം ചെയ്യുന്നത്. വി.എസ് വിനായക് ആണ് എഡിറ്റിങ് നിർവഹിക്കുന്നത്. വിനായക് ശശികുമാറിന്റെ വരികൾക്ക് സംഗീതം നൽകുന്നത് വിഷ്ണു ശ്യാം ആണ്.
