സംസ്ഥാനത്ത് അടുത്ത അഞ്ചു ദിവസം ഒറ്റപ്പെട്ട സ്ഥലങ്ങളില്‍ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ്
തിരുവനന്തപുരം: സംസ്ഥാനത്ത് അടുത്ത അഞ്ച് ദിവസത്തേക്ക് ഒറ്റപ്പെട്ട സ്ഥലങ്ങളിൽ മഴയ്ക്ക് സാധ്യതയെന്ന് കേന്ദ്ര കാലാവസ്ഥാ നിരീക്ഷണ കേന്ദ്രം. തെക്ക് കിഴക്കും തെക്ക് പടിഞ്ഞാറും അറബിക്കടലിൽ ഒരു ചുഴലിക്കാറ്റ് നിലനിൽക്കുന്നു. മറ്റൊരു ചുഴലിക്കാറ്റ് ഇന്ത്യൻ മഹാസമുദ്രത്തിനും തെക്കുപടിഞ്ഞാറൻ ബംഗാൾ ഉൾക്കടലിനും മധ്യരേഖയ്ക്ക് സമീപം സ്ഥിതി ചെയ്യുന്നതായി കാലാവസ്ഥാ വകുപ്പ് അറിയിച്ചു.
കേരള, കർണാടക തീരങ്ങളിൽ മത്സ്യബന്ധനത്തിന് നിയന്ത്രണങ്ങളില്ലെന്നും ലക്ഷദ്വീപ് മേഖലയിൽ മത്സ്യബന്ധനം നടത്തരുതെന്നും കേന്ദ്ര കാലാവസ്ഥാ വകുപ്പ് അറിയിച്ചു. ലക്ഷദ്വീപ് മേഖലയിൽ ഇന്ന് മണിക്കൂറിൽ 40-55 കിലോമീറ്റർ വേഗതയിൽ ശക്തമായ കാറ്റിനും പ്രതികൂല കാലാവസ്ഥയ്ക്കും സാധ്യതയുണ്ട്. കന്യാകുമാരി മേഖലയിലും മാലിദ്വീപിന്റെ പരിസര പ്രദേശങ്ങളിലും മണിക്കൂറിൽ 40 മുതൽ 55 കി.മീ വേഗതയിൽ ശക്തമായ കാറ്റും മോശം കാലാവസ്ഥയും. മേൽപ്പറഞ്ഞ പ്രദേശങ്ങളിൽ മത്സ്യബന്ധനം നിരോധിച്ചിട്ടുണ്ടെന്നും കാലാവസ്ഥാ നിരീക്ഷണ കേന്ദ്രം അറിയിച്ചു.
