വർക്കലയിലെ ചായക്കടയിൽ വാക്ക് തർക്കത്തിനിടെ യുവാവിന് കുത്തേറ്റു ; പ്രതി പിടിയിൽ
വർക്കലയിലെ ചായക്കടയിൽ വാക്ക് തർക്കത്തെ തുടർന്ന് കത്തി കുത്തി യുവാവിന് പരിക്ക്. പ്രതിയായ യുവാവ് പിടിയിൽ. വ്യാഴാഴ്ച വൈകിട്ട് അഞ്ചുമണിയോടെ മേൽവെട്ടൂർ ജംഗ്ഷനിലാണ് സംഭവം. ചായക്കടയിലെ പഴംപൊരിയിലെ രുചിയില്ലായ്മ ചൂണ്ടിക്കാട്ടി കടയുടമയുമായി രാഹുൽ സംസാരിക്കവേ കടയിൽ ചായ കുടിക്കുകയായിരുന്ന വെട്ടൂർ അരിവാളം സ്വദേശി അൽത്താബ് പ്രശ്നത്തിൽ ഇടപെട്ട് സംസാരിച്ചു. പിന്നീട് രാഹുലും അൽത്താഫും തമ്മിൽ വാക്കേറ്റവും കയ്യാങ്കളിയും ഉണ്ടായി.വാക്കേറ്റത്തിനിടെ അൽത്താഫ് കയ്യിൽ ഉണ്ടായിരുന്ന കത്തികൊണ്ട് രാഹുലിന്റെ മുതുകത്ത് കുത്തി പരിക്കേൽപ്പിച്ചു. അതിനുശേഷം വാഹനത്തിൽ കയറി രക്ഷപ്പെടുകയും ചെയ്തു.പരിക്ക രാഹുൽ പാരിപ്പള്ളി മെഡിക്കൽ കോളേജ് ആശുപത്രിയിൽ ചികിത്സയിലാണ്.പിന്നീട് വർക്കല പോലീസ് നടത്തിയ തിരച്ചിലിൽ അൽത്താഫ് പിടിയിലായി.ഇയാൾ അഞ്ചുതെങ്ങ് പോലീസ് സ്റ്റേഷൻ പരിധിയിൽ കൊലപാതകശ്രമം ഉൾപ്പെടെനിരവധി കേസുകളിൽ പ്രതിയാണെന്ന് പോലീസ് അറിയിച്ചു.
