സാമ്പത്തിക പ്രതിസന്ധി ; മുസ്ലിം ലീഗ് നേതാവ് കുഞ്ഞാലിക്കുട്ടിയുടെ നിലപാട് സ്വാഗതാർഹം എന്ന് മുഖ്യമന്ത്രി
സംസ്ഥാന സർക്കാർ നേരിടുന്ന സാമ്പത്തിക പ്രശ്നത്തിൽ സംസ്ഥാന സർക്കാരിനൊപ്പം നിൽക്കുമെന്ന് മുസ്ലിം ലീഗ് നേതാവ് പി കെ കുഞ്ഞാലിക്കുട്ടിയുടെ നിലപാട് സ്വാഗതം ചെയ്തു മുഖ്യമന്ത്രി പിണറായി വിജയൻ. ലീഗിന്റെ നിലപാട് സ്വാഗതാർഹമായ നിലപാടാണെന്ന് മുഖ്യമന്ത്രി ആലപ്പുഴയിൽ വച്ച് പറഞ്ഞു. ഇങ്ങനെ പറയുമ്പോൾ ഉടനെ ലീഗ് ഇങ് വന്നു കളയും എന്ന് ആരും ധരിക്കേണ്ട.ലീഗിനെ ഇങ്ങു കൊണ്ടുവരാൻ വേണ്ടി ഞങ്ങൾ വല്ലാതെ പാടുപെടുകയാണ് എന്ന വ്യാഖ്യാനവും വേണ്ട എന്നും മുഖ്യമന്ത്രി പറഞ്ഞു. ഇപ്പോഴത്തെ സാമ്പത്തിക പ്രതിസന്ധിയിൽ കേന്ദ്രത്തിനെതിരെ സർക്കാറിനൊപ്പം ലീഗ് ഉണ്ടാകും എന്നുമുള്ള കുഞ്ഞാലിക്കുട്ടിയുടെ അഭിപ്രായം മാധ്യമപ്രവർത്തകർ ശ്രദ്ധയിൽപ്പെടുത്തിയപ്പോഴാണ് മുഖ്യമന്ത്രിയുടെ പ്രതികരണം. ഈ നാടിന്റെ പ്രശ്നങ്ങൾ മനസ്സിലാക്കുന്നവർക്കെല്ലാം ലീഗ് എടുത്ത നിലപാടിന് സമാനമായ രീതിയിൽ മാത്രമേ പ്രതികരിക്കാൻ ആവുകയുള്ളൂ. നമ്മുടെ നാട് നേരിടുന്ന പ്രശ്നങ്ങളാണ് ഏറ്റവും ഗുരുതരമായിട്ടുള്ളത്. അതിന്റെ ഭാഗമായി നാടിന്റെ കയ്യിൽ കിട്ടേണ്ട പണമാണ് നഷ്ടമാകുന്നത്.ഇതൊന്നും പെട്ടെന്ന് ഏതെങ്കിലും പദ്ധതിയെ ബാധിക്കുന്നതോ ഒരു വർഷത്തെ പദ്ധതിയെ ബാധിക്കുന്നതോ അല്ല.കേരളത്തിന്റെ ഭാവി വികസനത്തെ തടയുന്നതിനാണ് ഇത് വഴിയൊരുക്കുക.ഇത്തരം സന്ദർഭങ്ങളിൽ നമ്മളെല്ലാവരും ഒരുമിച്ച് നിൽക്കണം.ഇതിൽ ഭരണപക്ഷ പ്രതിപക്ഷ വ്യത്യാസമില്ലാതെ തന്നെ കേരളത്തിൽ ഒറ്റക്കെട്ടായി നിൽക്കാൻ കഴിയണം.ഇത്തരം കാര്യങ്ങളിൽ ഭരണപക്ഷ പ്രതിപക്ഷ വ്യത്യാസമില്ലാതെ തന്നെ കേരളത്തിൽ ഒറ്റക്കെട്ടായി നിൽക്കാൻകഴിയണം.എന്നാൽ കോൺഗ്രസ് സംസ്ഥാന സർക്കാരിനെ വിമർശിക്കുകയാണെന്നും മുഖ്യമന്ത്രി പിണറായി വിജയൻ പറഞ്ഞു.
