ഐ എഫ് എഫ് കെ ഡെലിഗേറ്റ് പാസ്സ് വിതരണം നാളെ മുതൽ ആരംഭിക്കും.
കേരള സംസ്ഥാന ചലച്ചിത്ര അക്കാദമി സംഘടിപ്പിക്കുന്ന 28 മത് ഐ എഫ് കെ യിൽ പങ്കെടുക്കാൻ പ്രതിനിധികളായി രജിസ്റ്റർ ചെയ്തിട്ടുള്ളവർക്കുള്ള ഡെലിഗേറ്റ് പാസ് വിതരണം നാളെ മുതൽ ആരംഭിക്കും.ഡെലിഗേറ്റ് ചടങ്ങിന്റെ ഉദ്ഘാടനം മേയർ ആര്യ രാജേന്ദ്രൻ നിർവഹിക്കും.2023 ഡിസംബർ 8 മുതൽ 15 വരെയാണ് പരിപാടി സംഘടിപ്പിക്കുന്നത്.ഡെലിഗേറ്റ് കിറ്റിന്റെ വിതരണ ഉദ്ഘാടനം സംവിധായകൻ ശ്യാമപ്രസാദ് മികച്ച നടിക്കുള്ള 2022ലെ കേരള സംസ്ഥാന ചലച്ചിത്ര അവാർഡ് നേടിയ വിൻസി അലോഷ്യസിന് ആദ്യ പാസ് നൽകിക്കൊണ്ട് നിർവഹിക്കും. ചടങ്ങിൽ ചലച്ചിത്ര മേഖലയിൽ നിന്നുള്ളവരും കലാസംസ്കാരിക മേഖലയിൽ നിന്നുള്ളവരും പങ്കെടുക്കുന്നതായിരിക്കും.
