ശബരിമല തീർത്ഥാടകരുടെ കാറിടിച്ച് രണ്ടുപേർ മരിച്ചു.
തിരുവനന്തപുരം: ശബരിമല തീർത്ഥാടകരുടെ കാറിടിച്ച് താഴ്ചയിലേക്ക് വീണ സുഹൃത്തുക്കൾ മരിച്ചു. പേരൂർക്കടയിലാണ് അപകടം ഉണ്ടായത്.ഹരിദാസ് സുഹൃത്ത് വിജയൻ എന്നിവരാണ് സംഭവത്തിൽ മരിച്ചത്. ആന്ധ്രപ്രദേശിൽ നിന്നുള്ള അയ്യപ്പഭക്തരുടെ വാഹനമാണ് അപകടത്തിൽ പെട്ടത്. പ്രഭാത സവാരിക്ക് ഇറങ്ങിയ വിജയനും ഹരിദാസും ഇടിയുടെ ആഘാതത്തിൽ റോഡിന് സമീപത്തെ താഴ്ചയിലേക്ക് വീഴുകയായിരുന്നു. വളരെ വൈകിയാണ് നാട്ടുകാർ വിവരം അറിഞ്ഞത്. ആശുപത്രിയിലെത്തും മുൻപ് തന്നെ ഇരുവരും മരണമടയുകയായിരുന്നു.
