യുവാവിനെ കൊലപ്പെടുത്താൻ ശ്രമിച്ചു.ഒളിവിലായിരുന്ന പ്രതി പിടിയില്‍.
ബാറിന് സമീപം യുവാവിനെ കൊലപ്പെടുത്താൻ ശ്രമിച്ചo നടത്തിയ കേസില്‍ ഒളിവില്‍ കഴിയുന്ന ആളെ അറസ്റ്റ് ചെയ്തു.ചേര്‍ത്തല സ്വദേശി ഗൗതമിനെ (28) യാണ് ഏറ്റുമാനൂര്‍ പൊലീസ് അറസ്റ്റ് ചെയ്തത്. കേസിലെ മറ്റ് പ്രതികളായ അര്‍ജുൻ, അഭിജിത്ത് രാജു, അജിത്കുമാര്‍, എം.ശ്രീജിത്ത് എന്നിവരെ നേരത്തെ പിടികൂടിയിരുന്നു. ഗൗതമിനെ മലമ്ബുഴയില്‍ നിന്നാണ് പിടികൂടിയത്.
ഒക്ടോബര്‍ 25ന് നീണ്ടൂര്‍ ഭാഗത്തുള്ള ബാറിന് സമീപത്ത് വച്ചാണ് ഇവര്‍ സംഘംചേര്‍ന്ന് നീണ്ടൂര്‍ സ്വദേശിയായ യുവാവിനെ മര്‍ദ്ദിക്കുകയും കൊലപ്പെടുത്താൻ ശ്രമിക്കുകയും ചെയ്തിരുന്നു. ഇത് തടയാൻ ശ്രമിച്ച യുവാവിനെയും സുഹൃത്തിനെയും ഇവര്‍ മര്‍ദ്ദിച്ചു. പണമിടപാടിന്റെ പേരില്‍ യുവാവിനോട് ഇവര്‍ക്ക് മുൻവൈരാഗ്യം നിലനിന്നിരുന്നു. ഇതിന്റെ തുടര്‍ച്ചയായാണ് ആക്രമണം നടത്തിയത്.
