കണ്ണൂർ സർവ്വകലാശാലെക്ക് ഇനി പുതിയ വി സി ; ചുമതലയേറ്റ് ഡോക്ടർ എസ് ബിജോയ് നന്ദൻ.
കണ്ണൂർ : കണ്ണൂർ സർവ്വകലാശാല വൈസ് ചാൻസലറായി ഡോക്ടർ എസ് ബിജോയ് നന്ദൻ ചുമതലയേറ്റു. നിലവിൽ കൊച്ചി ശാസ്ത്ര സാങ്കേതിക സർവകലാശാല സ്കൂൾ ഓഫ് മറൈൻ സയൻസിലെ സീനിയർ പ്രൊഫസർ ആണ്. കണ്ണൂർ വിസി സ്ഥാനത്തു നിന്ന് ഡോക്ടർ ഗോപിനാഥ് രവീന്ദ്രൻ പുറത്തായതിന് പിന്നാലെയാണ് പുതിയ വിസിയെ നിയമിച്ചിട്ടുള്ളത്. മികച്ച പരിസ്ഥിതി ഗവേഷകൻ, 220 ഓളം വരുന്ന ഗവേഷണ പ്രബന്ധങ്ങൾ എന്നീ മേഖലകളിൽ പ്രാവീണ്യം തെളിയിച്ച വ്യക്തികൂടിയാണ് ഇദ്ദേഹം. ഇന്ത്യൻ തീരത്ത് കണ്ടെത്തിയ രണ്ട് കടൽ ജീവികൾക്ക് ഇദ്ദേഹത്തിന്റെ പേര് ബഹുമാനാർത്ഥം നാമകരണവും ചെയ്തിട്ടുണ്ട്. മുൻ വൈസ് ചാൻസലർ ആയിരുന്ന ഡോക്ടർ ഗോപിനാഥ് രവീന്ദ്രൻ രണ്ടാം ടൈമിൽ സർക്കാർ ഗവർണറുടെ അനുമതി പ്രകാരം സർവീസ് തുടരാൻ അവസരം നീട്ടി നൽകിയിരുന്നു. എന്നാൽ സേവ് യൂണിവേഴ്സിറ്റി ഫോറം സുപ്രീംകോടതിയിൽ നടത്തിയ കേസിനെ തുടർന്ന് അനുകൂല വിധി വന്നതിനാൽ ആണ് പുതിയ വിസി നിയമനം നടത്തിയിട്ടുള്ളത്.
