ഉണ്ണി മുകുന്ദന്റെ ‘ജയ് ഗണേഷ്’ അടുത്ത പോസ്റ്റർ പുറത്തുവിട്ടു
ഉണ്ണി മുകുന്ദൻ നായകനാകുന്ന പുതിയ ചിത്രമാണ് ജയ് ഗണേഷ്. സംവിധാനം രഞ്‍ജിത് ശങ്കറാണ്. ജയ് ഗണേഷ് എന്ന പുതിയ ചിത്രത്തിന്റെ പുതിയ ഒരു പോസ്റ്റര്‍ പുറത്തുവിട്ടിരിക്കുകയാണ്.വീൽ ചെയറിലിരിക്കുന്ന നായക കഥാപാത്രത്തെയാണ് ഈ പോസ്റ്ററിൽ കാണാൻ സാധിക്കുക. ചിത്രം 2024 ഏപ്രിൽ 11ന് തിയേറ്ററിലെത്തും. മഹിമാ നമ്പ്യാർ നായികയാവുന്ന ചിത്രത്തിൽ ജോമോൾ ഒരിടവേളക്ക് ശേഷം അഭിനയിക്കുന്നു.
പോസ്റ്ററിലെ ഫോട്ടോയിലും ഉണ്ണി മുകുന്ദന്റെ പിന്നിലായി സൂപ്പര്‍ഹീറോയുടെ ചിത്രീകരണങ്ങള്‍ ഉള്‍പ്പെടുത്തിയിട്ടുണ്ട്. ഊഹിച്ചതുപോലെ ഒരു സൂപ്പര്‍ഹീറോ സബ്‍ജെക്റ്റാണെന്ന് സിനിമയുടെ പോസ്റ്റര്‍ കണ്ട ഒരു ആരാധകര്‍ കുറിക്കുന്നു.ഹരീഷ് പേരടി, അശോകൻ, രവീന്ദ്ര വിജയ്, നന്ദു തുടങ്ങിയവരാണ് മറ്റു പ്രധാന താരങ്ങൾ. ഡ്രീംസ് എൻ ബിയോണ്ട്, ഉണ്ണി മുകുന്ദൻ ഫിലിംസ് എന്നീ ബാനറിൽ രഞ്ജിത്ത് ശങ്കർ, ഉണ്ണി മുകുന്ദൻ എന്നിവർ ചേർന്ന് നിർമ്മിക്കുന്ന ചിത്രത്തിന്റെ ഛായാഗ്രഹണം ചന്ദ്രു ശെൽവരാജ് നിർവ്വഹിക്കുന്നു.
