ബാർബിയെപ്പോലെ വിശ്രമിക്കാൻ പിങ്ക് ശവപ്പെട്ടികൾ
അടുത്തിടെ തിയറ്ററുകളിൽ എത്തിയ ഹോളിവുഡ് ചിത്രമാണല്ലൊ ബാർബി. മാർഗോട്ട് റോബിയും ,റയാൻ ഗോസ്ലിംഗും അഭിനയിച്ച സിനിമ റിലീസിന് മുൻപേ തരംഗമായി മാറി യിരുന്നു. ആളുകൾക്കിടയിൽ ഒരു ബാർബി സ്റ്റൈൽ രൂപപ്പെട്ടുകഴിഞ്ഞു.പിങ്ക് നിറത്തിലുള്ള വേഷവും ഭക്ഷണവുമൊക്കെ ലോകത്തിന്റെ നാനാ ഭാഗത്തും പ്രത്യക്ഷപ്പെട്ടു. നിരവധി ചലച്ചിത്ര താരങ്ങളും പിങ്ക് വേഷത്തിൽ ബാർബിയായി എത്തി. ഇപ്പോഴിതാ ഒരു വേറിട്ട ബാർബി സമൂഹ മാധ്യമങ്ങളിൽ വൈറലായി മാറിയിരിക്കുന്നു. പിങ്ക് ശവപ്പെട്ടികൾ ആണ് ബാർബികോർ ട്രെൻഡിലേക്കുള്ള പുതിയ വസ്തു. ‘നിങ്ങൾക്ക് ബാർബിയെപ്പോലെ വിശ്രമിക്കാം’ എന്ന ആകർഷകമായ മുദ്രാവാക്യത്തോടെയാണ് പിങ്ക് നിറത്തിലുള്ള ശവപ്പെട്ടികൾ സൈബർ ലോകത്ത് തിളങ്ങുന്നത്. എന്നാലിത് മുൻപും ഉണ്ടായിരുന്നതാണെന്ന് ചിലർ അവകാശപ്പെടുന്നു. മെക്സിക്കോ, എൽ സാൽവഡോർ, ലാറ്റിനമേരിക്കയുടെ മറ്റ് ഭാഗങ്ങൾ എന്നിവിടങ്ങളിലെ സംസ്കാരങ്ങൾക്ക് വർണാഭമായ ശവപ്പെട്ടികൾ ഉപയോഗി ക്കാറുണ്ട്.
