മദ്യപിച്ച് വാഹനം ഓടിച്ചതിന് നടനും പോപ് ഗായകനുമായ ജസ്റ്റിൻ ടിംബർലേക്കിനെ ന്യൂയോർക്കിൽ പൊലീസ് അറസ്റ്റ് ചെയ്തു
മദ്യപിച്ച് വാഹനമോടിച്ചതിന് നടനും പോപ്പ് ഗായകനുമായ ജസ്റ്റിൻ ടിംബർലേക്കിനെ ന്യൂയോർക്ക് പോലീസ് അറസ്റ്റ് ചെയ്തു. ചൊവ്വാഴ്ച രാവിലെ അറസ്റ്റിലായ നടനെ പിന്നീട് വിട്ടയച്ചതായി സഫോക്ക് കൗണ്ടി ജില്ലാ അറ്റോർണി ഓഫീസ് പ്രസ്താവനയിൽ പറഞ്ഞു.
റോഡിലെ സ്റ്റോപ്പ് അടയാളം അവഗണിച്ചതിനും വലതുവശത്തുകൂടി വാഹനം ഓടിക്കാത്തതിനുമാണ് നടനെ അറസ്റ്റ് ചെയ്തതെന്നാണ് ഔദ്യോഗിക രേഖകൾ. പോലീസ് കാർ നിർത്തിയപ്പോൾ ആളുടെ കണ്ണുകൾ ചുവന്നിരുന്നുവെന്നും മദ്യത്തിൻ്റെ രൂക്ഷഗന്ധം അനുഭവപ്പെട്ടിരുന്നുവെന്നും ബിബിസി റിപ്പോർട്ട് ചെയ്യുന്നു. വൈദ്യപരിശോധനയിൽ താരം മദ്യപിച്ചിരുന്നതായി കണ്ടെത്തി. ജൂലൈ 26 ന് സാഗ് ഹാർബറിലെ കോടതിയിൽ ഹാജരാകാൻ ഉത്തരവിട്ടു.
