കെഎസ്ആർടിസി ബസ് നിയന്ത്രണം വിട്ട് ശക്തൻ തമ്പുരാന്റെ പ്രതിമയിലേക്ക് ഇടിച്ചുകയറി അപകടം
കെഎസ്ആർടിസി ബസ് നിയന്ത്രണം വിട്ട് ശക്തൻ തമ്പുരാൻ്റെ പ്രതിമയിൽ ഇടിക്കുകയായിരുന്നു. ഇന്ന് പുലർച്ചെ തൃശ്ശൂരിലാണ് അപകടം. അപകടത്തെ തുടർന്ന് മൂന്ന് പേർക്ക് പരിക്കേറ്റു.
ആരുടെയും പരുക്ക് ഗുരുതരമല്ലെന്നാണ് വിവരം. അവരെ ആശുപത്രിയിലേക്ക് കൊണ്ടുപോയി. അപകട കാരണം വ്യക്തമല്ല. തിരുവനന്തപുരത്ത് നിന്ന് കോഴിക്കോട്ടേക്ക് പോവുകയായിരുന്ന ബസാണ് അപകടത്തിൽപ്പെട്ടത്. ഡ്രൈവറുടെ ഉറക്കമാണ് അപകടകാരണമെന്നാണ് പ്രാഥമിക നിഗമനം. പ്രതിമ പൂർണമായും തകർന്ന നിലയിലാണ്.
