ആവേശപ്പോരാട്ടത്തിനൊടുവിൽ ആറ്റിങ്ങലിൽ അടൂർ പ്രകാശിന് ജയം
ആവേശകരമായ പോരാട്ടത്തിനൊടുവിൽ ആറ്റിങ്ങലിൽ അടൂർ പ്രകാശ് വിജയിച്ചു. വാശിയേറിയ പോരാട്ടത്തിനൊടുവിൽ 1708 വോട്ടിൻ്റെ ഭൂരിപക്ഷത്തിലാണ് അടൂർ പ്രകാശ് വിജയിച്ചത്. അവസാന നിമിഷം വരെ വാശിയോടെ പോരാടിയ സി.പി.ഐ.എം സ്ഥാനാർഥി വി. ജോയിയെ പരാജയപ്പെടുത്തിയാണ് അടൂർ പ്രകാശ് വിജയിച്ചത്.
വോട്ടെണ്ണലിന്റെ പല ഘട്ടങ്ങളിലും ജോയിയുടെയും അടൂർ പ്രകാശിന്റെയും ഭൂരിപക്ഷം മാറിമറിഞ്ഞു. ഇടയ്ക്ക് ബിജെപി സ്ഥാനാർഥിയും കേന്ദ്രമന്ത്രിയുമായ വി.മുരളീധരൻ ഒന്നാമതെത്തി. കഴിഞ്ഞ തവണ ബിജെപി ടിക്കറ്റിൽ മത്സരിച്ച ശോഭാ സുരേന്ദ്രനേക്കാൾ കൂടുതൽ വോട്ടുകളാണ് മുരളീധരൻ നേടിയത്.
