നിര്‍മാതാവായി അജയ് വാസുദേവ്; ഉയിര് ഫസ്‌റ്റ് ലുക്ക് പോസ്‌റ്റര്‍ പുറത്ത്
സംവിധായകന്‍ അജയ് വാസുദേവ് ആദ്യമായി നിര്‍മിക്കുന്ന സിനിമ ‘ഉയിര്’ ഫസ്‌റ്റ് ലുക്ക് പോസ്‌റ്റര്‍ റിലീസ് ചെയ്‌തു. മനോജ് കെ ജയന്‍ , മാലാ പാര്‍വ്വതി , ഫിറുസ് ഷമീര്‍, ഫഹ ഫാത്തിമ എന്നിവരെ കേന്ദ്രകഥാപാത്രങ്ങളാക്കി നവാഗതനായ ഷെഫിന്‍ സുല്‍ഫിക്കര്‍ ആണ് സിനിമയുടെ സംവിധാനം നിര്‍വഹിച്ചിരിക്കുന്നത്.
കഴിഞ്ഞ കുറേ വര്‍ഷങ്ങളായി സംവിധായകന്‍ അജയ് വാസുദേവിന്‍റെ സംവിധാന സഹായിയായി പ്രവര്‍ത്തിച്ച് വരികയായിരുന്നു ഷെഫിന്‍ സുല്‍ഫിക്കര്‍. അജയ് വാസുദേവ്, സുസിന ആസിഫ്, ആസിഫ് എംഎ എന്നിവര്‍ ചേര്‍ന്നാണ് നിര്‍മാണം. അല്‍ഡ്രിന്‍ പഴമ്പിള്ളിയാണ് സിനിമയുടെ കഥ ഒരുക്കിയിരിക്കുന്നത്.
പ്രസാദ് എസ് സെഡ് ഛായാഗ്രഹണവും ജെറിന്‍ രാജ് എഡിറ്റിംഗും നിര്‍വഹിച്ചിരിക്കുന്നു. കലാ സംവിധാനം – അനില്‍ രാമന്‍കുട്ടി, വസ്‌ത്രാലങ്കാരം – ഗോകുല്‍ മുരളി, ചീഫ് അസോസിയേറ്റ് – മിഥുന്‍ ശങ്കര്‍ പ്രസാദ്, എക്‌സിക്യൂട്ടീവ് പ്രൊഡ്യൂസര്‍ – നിസ്‌ന ഷെഫിന്‍, ആര്‍ട്ട് അസോസിയേറ്റ് – റോഷന്‍, അസോസിയേറ്റ് ക്യാമറ – ഹരീഷ് എവി, ഡിസൈന്‍സ് – മാജിക് മൊമന്‍റ്‌സ്‌, പ്രൊഡക്ഷന്‍ കണ്‍ട്രോളര്‍ – അന്‍വര്‍ ആലുവ, സ്‌റ്റില്‍സ് – അജ്‌മല്‍ ലത്തീഫ്, പിആര്‍ഒ – പി ശിവപ്രസാദ് എന്നിവരും നിര്‍വഹിക്കുന്നു.
