വില്ലൻ വേഷത്തിൽ മമ്മൂട്ടി; പ്രധാനവേഷത്തില്‍ അർജുൻ അശോകൻ
മലയാളത്തിൽ വർഷങ്ങളുടെ ഇടവേളയ്ക്കു ശേഷം പ്രതിനായക കഥാപാത്രത്തെ അവതരിപ്പിക്കാന്‍ മെഗാ സ്റ്റാർ മമ്മൂട്ടി. ‘ഭൂതകാലം’ എന്ന ചിത്രത്തിലൂടെ ശ്രദ്ധേയനായ രാഹുൽ സദാശിവൻ സംവിധാനം ചെയ്യുന്ന പുതിയ ചിത്രത്തിലാണ് മമ്മൂട്ടി വില്ലൻ വേഷത്തിലെത്തുക. അര്‍ജുൻ അശോകനാണ് ചിത്രത്തിൽ മറ്റൊരു പ്രധാനകഥാപാത്രം. ഹൊറർ ഗണത്തിൽപെടുന്ന സിനിമയുടെ പ്രധാന ലൊക്കേഷൻ കൊച്ചി, പാലക്കാട് എന്നിവിടങ്ങളാണ്.
30 ദിവസമാണ് മമ്മൂട്ടി നൽ‍‍‍കിയിരിക്കുന്ന ഡേറ്റ്. അര്‍‍‍‍‍ജുന്‍ അശോകന്‍ 60 ദിവസത്തെ ഡേറ്റ് ആണ് സിനിമയ്ക്കായി നൽകിയിരിക്കുന്നത്. റെഡ് റെയ്ൻ എന്ന സയൻസ് ഫിക്‌ഷൻ ചിത്രത്തിലൂടെ സംവിധാന രംഗത്തെത്തിയ രാഹുലിന്റെ ഈ ചിത്രവും ഹൊറർ ത്രില്ലറാണ്വിക്രം വേദ’ ഒരുക്കിയ തമിഴ് നിർമാതാക്കളായ വൈ നോട്ട് സ്റ്റുഡിയോസ് ആദ്യമായി നിർമിക്കുന്ന മലയാള സിനിമയാണിത്. ഓഗസ്റ്റ് 15-ന് സിനിമയുടെ ചിത്രീകരണം ആരംഭിക്കും. സിനിമയുടെ പേര് പ്രഖ്യാപിച്ചിട്ടില്ല. വരിക്കാശ്ശേരിമനയാകും ഒരു പ്രധാന ലൊക്കേഷനാണ്.
മമ്മൂട്ടിയുടെ പ്രതിനായക കഥാപാത്രമാകും സിനിമയുടെ പ്രധാന ആകർഷണം. പടയോട്ടം, ഇനിയെങ്കിലും, വിധേയൻ, പലേരി മാണിക്യം, പുഴു എന്നീ സിനിമകളിൽ മമ്മൂട്ടി നെഗറ്റിവ് ഷെയ്ഡുള്ള കഥാപാത്രമായി അഭിനയിച്ചിട്ടുണ്ട്.
