ഐ ഫോൺ കെജ്രിവാൾ ഓഫ് ചെയ്ത് വച്ചു, പാസ്വേർഡ് പറയുന്നില്ലെന്ന് ഇ ഡി; ആപ്പിൾ കമ്പിനിയെ ഉടൻ സമീപിക്കും
മദ്യനയ അഴിമതി കേസിൽ ഇഡി ഉദ്യോഗസ്ഥർ അറസ്റ്റ് ചെയ്ത ഡൽഹി മുഖ്യമന്ത്രി അരവിന്ദ് കെജ്‌രിവാളിൻ്റെ ഫോൺ വിവരങ്ങൾ നൽകാൻ നിയമ നിർവ്വഹണ ഏജൻസി ആപ്പിളിനോട് ആവശ്യപ്പെട്ടു. അരവിന്ദ് കെജ്രിവാൾ തൻ്റെ ഫോൺ പാസ്‌വേഡ് വെളിപ്പെടുത്താൻ വിസമ്മതിച്ചതിനാൽ, ഫോൺ വിവരങ്ങൾക്കായി ED ആപ്പിളിനെ സമീപിച്ചു. ഡൽഹി മുഖ്യമന്ത്രി അന്വേഷണവുമായി സഹകരിക്കുന്നില്ലെന്ന ആരോപണം ഇഡി ആവർത്തിച്ചു. എന്നാൽ, ബിജെപിക്ക് വിവരങ്ങൾ കൈമാറാനാണ് ഇഡി ശ്രമിക്കുന്നതെന്നും ആം ആദ്മി പാർട്ടി ആരോപിച്ചു.
മദ്യനയ അഴിമതി കേസുമായി ബന്ധപ്പെട്ട് കെജ്‌രിവാളിനെതിരെ ഇലക്ട്രോണിക് തെളിവുകളൊന്നും ഇഡി ഇതുവരെ കണ്ടെത്തിയിട്ടില്ലെന്ന് റിപ്പോർട്ട്. അറസ്റ്റിന് ശേഷം കെജ്രിവാൾ തൻ്റെ ഐഫോൺ സ്വിച്ച് ഓഫ് ചെയ്തുവെന്നും അത് ഓണാക്കുകയോ പാസ്‌വേഡ് പങ്കിടുകയോ ചെയ്തിട്ടില്ലെന്ന് ഇഡി അവകാശപ്പെട്ടു. അറസ്റ്റിനിടെ കെജ്‌രിവാളിൻ്റെ വസതിയിൽ നിന്ന് നിരവധി ഇലക്ട്രോണിക് ഉപകരണങ്ങളും 70,000 രൂപയും ഇഡി കണ്ടെടുത്തു.
