തൃശ്ശൂർ പാലപ്പിള്ളി കുണ്ടായിയിൽ പുലിയിറങ്ങി പശുവിനെ കടിച്ചു കൊന്നു
തൃശൂർ പാലപ്പിള്ളി കുണ്ടായിയിൽ പശുവിനെ പുലി ആക്രമിച്ച് കൊന്നു. കുണ്ടായി കൊല്ലേരി കുഞ്ഞുമുഹമ്മദിന്റെ പശുവിനെയാണ് പുലി കൊന്നത് രണ്ടാഴ്ച മുമ്പ് കടുവയുടെ ആക്രമണത്തിൽ പരിക്കേറ്റ അതേ പശുവിനെയാണ് കടുവ കൊന്നത്.
തിങ്കളാഴ്ച രാവിലെ ഒമ്പത് മണിയോടെ വെള്ളം കൊടുക്കാനെത്തിയ വീട്ടുകാർ നടത്തിയ തിരച്ചിലിലാണ് പശുവിനെ ചത്തനിലയിൽ കണ്ടെത്തിയത്. വനം വകുപ്പ് ഉദ്യോഗസ്ഥർ സ്ഥലത്തെത്തി പരിശോധന നടത്തി. പശുവിനെ ആക്രമിച്ചത് കടുവയാണെന്ന് ഉദ്യോഗസ്ഥർ സ്ഥിരീകരിച്ചു. ജനവാസ കേന്ദ്രങ്ങളിൽ കടുവകൾ വളർത്തുമൃഗങ്ങളെ കൊല്ലുന്നത് കാരണം പ്രദേശവാസികൾ ഭീതിയിലാണ്.
