റിമോര്‍ട്ട് കണ്‍ട്രോള്‍ ഗേറ്റില്‍ കുടുങ്ങി മരണം; കഴുത്തിനേറ്റ പരിക്കെന്ന് പോസ്റ്റുമോര്‍ട്ടം
മലപ്പുറം തിരൂരിൽ റിമോട്ട് കൺട്രോൾ ഗേറ്റിൽ കുടുങ്ങി കഴുത്തിന് പരിക്കേറ്റ 9 വയസുകാരന് മരിച്ചതായി പ്രാഥമിക പോസ്റ്റ്‌മോർട്ടം റിപ്പോർട്ട്. രണ്ടു ഭാഗത്തു നിന്നുമുള്ള സമ്മര്‍ദം കാരണം കഴുത്തിന് ഒടിവുണ്ടായെന്നാണ് റിപ്പോര്‍ട്ട്. അബ്ദുൾ ഗഫൂറിൻ്റെയും സജിനയുടെയും മകൻ മുഹമ്മദ് സനാൻ വ്യാഴാഴ്ച അയൽവാസിയുടെ വീടിൻ്റെ റിമോട്ട് കൺട്രോൾ ഗേറ്റുകൾക്കിടയിൽ കുടുങ്ങിയിരുന്നു. ഉടൻ കോട്ടക്കലിലെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
തിരൂർ അരിൻ ചുവട് എംഇടി സെൻട്രൽ സ്‌കൂളിലെ നാലാം ക്ലാസ് വിദ്യാർഥിയാണ് സിനാൻ. സിനാൻ്റെ മരണത്തിൽ ദുഃഖം നിറഞ്ഞ് അവൻ്റെ മുത്തശ്ശി ആശയും ഇന്ന് രാവിലെ മരിച്ചു. സിനാന് അപകടം പറ്റിയെന്നറിഞ്ഞ മുത്തശ്ശി ആശുപത്രിയിലെത്തി സിനാൻ്റെ മരണവാർത്ത കേട്ട് ഞെട്ടി.
