അഭിനേതാക്കളുടെ സംഘടനയായ ‘അമ്മ’യുടെ പ്രസിഡന്റായി മോഹൻലാൽ എതിരില്ലാതെ തിരഞ്ഞെടുക്കപ്പെട്ടു
അഭിനേതാക്കളുടെ സംഘടനയായ അമ്മയുടെ പ്രസിഡൻ്റായി മോഹൻലാൽ എതിരില്ലാതെ തിരഞ്ഞെടുക്കപ്പെട്ടു. പുതിയ ഭാരവാഹികൾക്കുള്ള തിരഞ്ഞെടുപ്പ് പത്രിക സമർപ്പിക്കാനുള്ള സമയപരിധി അവസാനിച്ചപ്പോൾ മോഹൻലാൽ മാത്രമായിരുന്നു പ്രസിഡൻ്റ് സ്ഥാനത്തേക്ക്. ഇത് മൂന്നാം തവണയാണ് മോഹൻലാൽ അമ്മയുടെ പ്രസിഡൻ്റാകുന്നത്.
എന്നാൽ, സെക്രട്ടറി ജനറൽ, വൈസ് പ്രസിഡൻ്റ് സ്ഥാനങ്ങളിലേക്ക് മത്സരമുണ്ട്. സിദ്ദിഖ്, കുക്കു പരമേശ്വരൻ, ഉണ്ണി ശിവപാൽ എന്നിവർ ജനറൽ സെക്രട്ടറി സ്ഥാനത്തേക്ക് മത്സരിക്കുന്നു. ജഗദീഷ്, ജയൻ ചേർത്തല, മഞ്ജു പിള്ള എന്നിവരാണ് വൈസ് പ്രസിഡൻ്റ് സ്ഥാനാർത്ഥികൾ. ഈ വർഷം അവസാനം ചേരുന്ന പൊതുയോഗത്തിൽ പുതിയ ബോർഡ് അംഗങ്ങളെ തിരഞ്ഞെടുക്കും.
