ഈരാറ്റുപേട്ട – തൊടുപുഴ റോഡിലുണ്ടായ അപകടത്തിൽ യുവാവ് മരിച്ചു

ഈരാറ്റുപേട്ട-തൊടുപുഴ റോഡിലുണ്ടായ അപകടത്തിൽ യുവാവ് മരിച്ചു. കാഞ്ഞിരംകവലയ്ക്ക് സമീപമാണ് ബൈക്കും ബസും കൂട്ടിയിടിച്ചത്. വാളകം സ്വദേശി ജിബിനാണ് (18 വയസ്സ്) മരിച്ചത്. മേലുകാവ് പട്ടണത്തിനടുത്തുള്ള വാടകവീട്ടിലാണ് ജിബിൻ കുറച്ചുകാലം താമസിച്ചിരുന്നത്. ബസിലെ സിസിടിവി ദൃശ്യങ്ങളും പുറത്തുവന്നു.

ബുധനാഴ്ച ഉച്ചയോടെ ഈരാറ്റുപേട്ട-തൊടുപുഴ റോഡിൽ കാഞ്ഞിരംകവലയ്ക്ക് സമീപം പാക്കപ്പുള്ളി വളവിലാണ് അപകടം. ജീപ്പിനെ മറികടന്ന ബൈക്ക് ബസിൻ്റെ തൊട്ടുമുന്നിൽ ഇടിക്കുകയായിരുന്നു. ജീപ്പിനെ മറികടന്ന് റോഡിൻ്റെ ഇടതുവശത്തേക്ക് തിരിയുന്നതിന് മുമ്പ് ബൈക്ക് ബസ്സിൻ്റെ മുൻവശത്ത് ഇടിക്കുകയായിരുന്നു.