ഇടുക്കി വണ്ടൻമേട് അഞ്ചേരികട ഭാഗത്ത് നിന്ന് 50 ലിറ്റർ ചാരായം എക്സൈസ് പിടികൂടി
ഇടുക്കി വണ്ടൻമേട് അഞ്ചേരിക്കട ഭാഗത്ത് നിന്ന് 50 ലിറ്റർ ചാരായം എക്സൈസ് പിടികൂടി. സംഭവത്തിനിടെ ഒരാൾ പിടിയിലായി. ഇടുക്കി അഞ്ചേരിക്കട ഭാഗത്ത് വൻതോതിൽ ചാരായ വിൽപന നടക്കുന്നതായി എക്സൈസിന് രഹസ്യവിവരം ലഭിച്ചതിനെ തുടർന്നാണ് ഇന്നലെ രാത്രി എക്സൈസ് സംഘം പരിശോധന നടത്തിയത്. പരിശോധനയ്ക്കെത്തിയ സംഘത്തെ കണ്ടപ്പോൾ ഒരാൾ ഓടി രക്ഷപ്പെട്ടു.
പരിശോധനയിൽ കൊച്ചറ സ്വദേശികളായ പുളിക്കൽ തങ്കച്ചൻ മാത്യു, തെക്കുംകാലായിൽ ജിജോമോൻ ജോർജ് എന്നിവർ സൂക്ഷിച്ച് വച്ചിരുന്ന ചാരായമാണ് എക്സൈസ് സംഘം പിടികൂടിയത്. ലിറ്ററിന് 700 രൂപയ്ക്കാണ് ഇവർ വിറ്റിരുന്നത്. വോട്ടെണ്ണൽ ദിവസം വൻതോതിൽ ചാരായങ്ങൾ ഉണ്ടാക്കി വിൽപനയ്ക്ക് ഒരുക്കിയിരുന്നതായാണ് റിപ്പോർട്ട്. എക്സൈസ് സംഘം തങ്കച്ചനെ ഉടൻ പിടികൂടി.
