ബാലരാമപുരത്ത് തമിഴ്നാട് ട്രാൻസ്പോർട്ട് ബസ്സും ബൈക്കും കൂട്ടിയിടിച്ച് ബൈക്ക് യാത്രികരായ രണ്ട് പേർക്ക്  പരിക്കേറ്റു

ബാലരാമപുരത്ത് തമിഴ്‌നാട് സ്റ്റേറ്റ് ട്രാൻസ്‌പോർട്ട് ബസും ബൈക്കും കൂട്ടിയിടിച്ച് ബൈക്ക് യാത്രികരായ രണ്ട് പേർക്ക് പരിക്കേറ്റു. നാഗർകോവിലിൽ നിന്ന് തിരുവനന്തപുരത്തേക്ക് പോവുകയായിരുന്ന തമിഴ്‌നാട് സ്റ്റേറ്റ് ട്രാൻസ്‌പോർട്ട് ബസും തിരുവനന്തപുരത്ത് നിന്ന് നെയ്യാറ്റിൻകര പോവുകയായിരുന്ന ബൈക്കും കൂട്ടിയിടിച്ചാണ് സംഭവം. കാരക്കോലം സ്വദേശി അരുൺ (29), പാപനംകോട് സ്വദേശി രമേഷ് (29) എന്നിവർ ദുരന്തത്തിൽ നിന്ന് അത്ഭുതകരമായി രക്ഷപ്പെട്ടു.

ബൈക്ക് യാത്രക്കാർ മുന്നിലെ കാറിനെ മറികടക്കുന്നതിനിടെ ബസിൻ്റെ മുൻവശത്ത് ഇടിക്കുകയായിരുന്നു. അത്ഭുതകരമെന്നു പറയട്ടെ, ബൈക്ക് യാത്രക്കാർ ബൈക്കിൽ നിന്ന് തെറിച്ചുവീണ് ബസിനടിയിൽപ്പെട്ടു. വിവരമറിഞ്ഞ് നെയ്യാറ്റിൻകര ഫയർഫോഴ്‌സും പോലീസും സ്ഥലത്തെത്തി ബൈക്ക് യാത്രക്കാരെ ബസിനടിയിൽ നിന്ന് പുറത്തെടുത്തു. ഇരുവരെയും നെയ്യാറ്റിൻകര ജനറൽ ആശുപത്രിയിൽ പ്രാഥമിക ചികിത്സ നൽകി. ഇവരിൽ ആർക്കും സാരമായ പരിക്കുകളില്ലെന്ന് ഡോക്ടർമാർ പറഞ്ഞു.