കോഴിക്കോട് പെരുമണ്ണക്ക് സമീപം അച്ഛനും മകനും വെട്ടേറ്റു

കോഴിക്കോട് പെരുമണ്ണയ്ക്ക് സമീപം അച്ഛനും മകനും വെട്ടേറ്റു മരിച്ചു. മാർഷൽ വളയം പറമ്പിൽ മുണ്ടുപാലത്ത് അബൂബക്കർ കോയ (55), മകൻ ഷാഫിർ (26) എന്നിവർക്കാണ് വെട്ടേറ്റത്. ഇന്ന് രാവിലെയാണ് സംഭവം. കൈകളിലും കഴുത്തിലും തലയിലുമാണ് പരുക്ക്. രാത്രി വാതിലിൽ മുട്ടുന്ന ശബ്ദം കേട്ട് വീട്ടുകാർ പുറത്തിറങ്ങി.

ബുള്ളറ്റിൽ പോകുന്ന ആളാണോ എന്ന് ചോദിച്ച് പെട്ടെന്ന് മുഖംമൂടി ധരിച്ച രണ്ടംഗസംഘം വെട്ടുകയായിരുന്നു എന്ന് വീട്ടുകാര്‍ പറഞ്ഞു. ആക്രമണത്തിന് ശേഷം അക്രമികൾ ഓടി രക്ഷപ്പെട്ടു. പരിക്കേറ്റവരെ പ്രദേശവാസികൾ കോഴിക്കോട് മെഡിക്കൽ കോളേജിൽ എത്തിച്ചു. അക്രമത്തിൻ്റെ കാരണം വ്യക്തമല്ല. പന്തീരാങ്കോട് പോലീസ് കേസെടുത്ത് അന്വേഷണം ആരംഭിച്ചു.