പൊലീസ് അക്കാദമിയിൽ വനിതാ ഉദ്യോഗസ്ഥയ്ക്ക് നേരെ ലൈംഗികാതിക്രമം
പൊലീസ് അക്കാദമിയിൽ വനിതാ പൊലീസ് ഉദ്യോഗസ്ഥ ലൈംഗികാതിക്രമത്തിനിരയായി. തൃശൂർ രാവർമപുരത്തുള്ള പോലീസ് അക്കാദമി ആസ്ഥാനത്താണ് സംഭവം. ഉന്നത ഉദ്യോഗസ്ഥനാണ് യുവതിയെ ആക്രമിച്ചത്. തന്നെ ഓഫീസിലേക്ക് വിളിച്ചുവരുത്തി ലൈംഗികമായി പീഡിപ്പിക്കുകയായിരുന്നുവെന്ന് പരാതിയിൽ പറയുന്നു. ഈ മാസം 17നായിരുന്നു സംഭവം.
അക്കാദമി ഡയറക്ടർക്ക് വനിതാ പൊലീസ് ഉദ്യോഗസ്ഥ പരാതി നൽകി. ഉദ്യോഗസ്ഥനെതിരെ നടപടി എടുക്കണം എന്നും, ജോലി മാറ്റം വേണം എന്നും യുവതി ആവശ്യപ്പെട്ടു അതേസമയം ഈ പരാതിയിൽ ആഭ്യന്തര അന്വേഷണം പുരോഗമിക്കുകയാണ്. അതേസമയം, ഈ പരാതികൾ പരിഹരിക്കാനുള്ള ശ്രമങ്ങൾ ആരംഭിച്ചതായും അവകാശവാദമുണ്ട്.
