കുന്നംകുളത്ത് എക്സൈസിന്‍റെ വൻ ചാരായ വേട്ട

കുന്നംകുളത്ത് വൻ എക്സൈസ് വേട്ട. 40 ലീറ്റർ ചാരായവും 300 ലീറ്റർ കോഡുമായി രണ്ടുപേരെ എക്സൈസ് പിടികൂടി. കടങ്ങോട് മയിലാടുംകുന്ന് സ്വദേശി ഉദയകുമാർ, പാറപ്പുറം സ്വദേശി അശോകൻ എന്നിവരാണ് അറസ്റ്റിലായത്. കുന്നംകുളം എക്സൈസ് ഇൻസ്പെക്ടർ പി.ഹരീഷും സംഘവുമാണ് പ്രതിയെ പിടികൂടിയത്. രണ്ട് സൈക്കിളുകൾ, വാറ്റ് ഉപകരണങ്ങൾ മുതലായവ. ഇവരിൽ നിന്നും പിടിച്ചെടുത്തു.

പരിശോധനയിൽ അസിസ്റ്റന്‍റ് എക്സൈസ് ഇൻസ്പെക്ടർമാരായ പി ജി.ശിവശങ്കരൻ, എ.സി ജോസഫ്,എൻ ആർ രാജു, സുനിൽദാസ്, സിദ്ധാർത്ഥൻ, പ്രിവന്റീവ് ഓഫീസർ മോഹൻദാസ്, സിവിൽ എക്സൈസ് ഓഫീസർ സന്തോഷ്, സിവിൽ എക്സൈസ് ഓഫീസറായ ലത്തീഫ് എന്നിവരും പങ്കെടുത്തു. വടക്കാഞ്ചേരി കോടതിയിൽ ഹാജരാക്കിയ പ്രതികളെ ജുഡീഷ്യൽ കസ്റ്റഡിയിൽ വിട്ടു.