കനത്ത മഴയിൽ ടയർ മണ്ണിലേക്ക് താഴ്ന്ന് പാചക പാതക സിലിണ്ടർ കയറ്റി വന്ന ലോറി മറിഞ്ഞു

കനത്ത മഴയിൽ ടയർ മണ്ണിലേക്ക് താഴ്ന്ന് പാചക പാതക സിലിണ്ടർ കയറ്റി വന്ന ലോറി മറിഞ്ഞു. തിരുവനന്തപുരം മംഗലപുരത്താണ് സംഭവം. ഇന്ന് പുലർച്ചെ നാല് മണിയോടെയാണ് സംഭവം. കനത്ത മഴയിൽ ടാങ്കർ താഴ്ന്ന പ്രദേശത്തേക്ക് മറിഞ്ഞു. വാതക ചോർച്ച ഉണ്ടായിട്ടില്ലെന്നും വാഹനം വീണ്ടെടുക്കാനുള്ള നടപടികൾ പുരോഗമിക്കുകയാണെന്നും പൊലീസ് അറിയിച്ചു.

ദേശീയപാത നിർമ്മാണം നടക്കുന്നതിനാൽ വഴിതെറ്റി സർവ്വീസ് റോഡ് വഴി വന്ന ടാങ്കറാണ് മറിഞ്ഞത്.പാചകവാതകവുമായി കൊച്ചിയിൽ നിന്ന് തിരുനെൽവേലിയിലേക്ക് പോവുകയായിരുന്നു ട്രക്ക്. ഈ അപകടത്തിൽ നാമക്കൽ സ്വദേശി ആറ്റിക്കോൺ (65 വയസ്സ്) ഡ്രൈവർ പരിക്കേൽക്കാതെ രക്ഷപ്പെട്ടു.