നിർമാതാവ് ജോണി സാഗരിക വഞ്ചന കേസിൽ പിടിയിൽ
തട്ടിപ്പുമായി ബന്ധപ്പെട്ട് നിർമ്മാതാവ് ജോണി സാഗരിക അറസ്റ്റിൽ. നെടുമ്പാശേരി വിമാനത്താവളത്തിൽ വച്ചാണ് ജോണിയെ പൊലീസ് പിടികൂടിയത്. കോയമ്പത്തൂർ സ്വദേശി ദ്വാരക് ഉദയ്കുമാർ നൽകിയ പരാതിയിൽ ഇദ്ദേഹത്തിനെതിരെ ലുക്കൗട്ട് നോട്ടീസ് പുറപ്പെടുവിച്ചിരുന്നു. എയർ ഇന്ത്യ വിമാനത്തിൽ ദുബായിലേക്ക് പോകാനൊരുങ്ങിയപ്പോൾ എമിഗ്രേഷൻ വിഭാഗം പിടികൂടി കോയമ്പത്തൂർ ക്രൈംബ്രാഞ്ചിന് കൈമാറുകയായിരുന്നു.
കാനഡയിൽ വ്യവസായിയാണ് വാദി ദ്വാരക്. ഒരു സിനിമയുടെ നിർമ്മാണത്തിനായി 2.75 കോടി രൂപ വാങ്ങി അപഹരിച്ച കേസാണിത്. ജോണി സാഗരിക 50 ലക്ഷം തിരികെ നൽകി. എന്നാൽ, 2.25 കോടി കുടിശ്ശിക വരുത്തിയെന്നാണ് പരാതി. ജോണി റയാൻ്റെ മകൻ ജോൺ തോമസാണ് രണ്ടാം പ്രതി. ഇയാൾക്കായുള്ള തിരച്ചിൽ ഊർജിതമായി തുടരുകയാണെന്ന് ക്രൈ സ്റ്റേഷൻ ഇൻസ്പെക്ടർ പറഞ്ഞു. ജോണി സാഗരികയെ കോയമ്പത്തൂർ സിറ്റി ക്രൈംബ്രാഞ്ചിലേക്ക് കൊണ്ടുപോയി.
