തിരുവനന്തപുരം കുമാരപുരത്ത് ക്ഷേത്രക്കുളത്തിലെ മത്സ്യങ്ങൾ ചത്തുപൊങ്ങുന്നതായി പരാതി
തിരുവനന്തപുരം കുമാരപുരത്തെ ക്ഷേത്രക്കുളത്തിൽ മത്സ്യങ്ങൾ ചത്തുപൊങ്ങുന്നതായി പരാതി. വേളൂർക്കോണം ശ്രീ മഹാദേവർ ചാമുണ്ഡേശ്വരി ക്ഷേത്രത്തിലാണ് സംഭവം. സാമൂഹിക വിരുദ്ധരാണ് വിഷം തയ്യാറാക്കിയതെന്നാണ് നാട്ടുകാരുടെ സംശയം.
നാല് ദിവസം മുമ്പാണ് ക്ഷേത്രത്തിലെ അക്വേറിയത്തിലെ മത്സ്യങ്ങൾ കൂട്ടത്തോടെ ചത്തുപൊങ്ങുന്നതായി കണ്ടെത്തിയത്. വെള്ളത്തിൻ്റെ നിറവും മാറി അസഹ്യമായ ദുർഗന്ധം വമിക്കാൻ തുടങ്ങി. ഇതോടെ അജ്ഞാതർ വിഷം കലർത്തിയതാണെന്ന് സംശയം ഉയർന്നു.
ക്ഷേത്ര ഭരണസമിതി പരാതി നൽകിയതിനെ തുടർന്ന് ആരോഗ്യവകുപ്പ് ഫിഷറീസ് വിഭാഗം ഉദ്യോഗസ്ഥർ സ്ഥലത്തെത്തി വെള്ളത്തിൻ്റെ സാമ്പിളുകൾ എടുത്തു. ഫലം ലഭിച്ചാലേ മത്സ്യം ചത്തതിൻ്റെ കാരണം വ്യക്തമാകൂ. പരാതിയിൽ മെഡിക്കൽ സ്കൂൾ പൊലീസും സ്ഥലത്തെത്തി അന്വേഷണം നടത്തി.
