കലാമണ്ഡലം കൂത്തമ്പലത്തിൽ ആര്‍എല്‍വി രാമകൃഷ്ണൻ മോഹിനിയാട്ടം അവതരിപ്പിക്കും
കലാമണ്ഡലം കൂത്തമ്പലത്തിൽ ആർഎൽവി രാമകൃഷ്ണൻ മോഹിനിയാട്ടം അവതരിപ്പിക്കും. ഇന്ന് വൈകിട്ട് അഞ്ചിന് മോഹിനിയാട്ടം അരങ്ങേറും. സത്യഭാമയുടെ ആക്ഷേപകരമായ പരാമർശങ്ങൾക്കെതിരായ പ്രതിഷേധത്തിൻ്റെ ഭാഗമാണ് മോഹിനിയാട്ടം. കലാമണ്ഡലം സ്റ്റുഡൻ്റ്സ് യൂണിയൻ്റെ നേതൃത്വത്തിലാണ് മോഹിനിയാട്ടം സംഘടിപ്പിക്കുന്നത്.
കലാമണ്ഡലം സത്യഭാമയിൽ നിന്ന് വംശീയ അധിക്ഷേപം ഏറ്റുവാങ്ങിയ ആർഎൽവി രാമകൃഷ്ണനെ നൃത്തം അവതരിപ്പിക്കാൻ കലാമണ്ഡലം നേരിട്ട് ക്ഷണിച്ചു. ആർ.എൽ.വി. രാമകൃഷ്ണൻ ക്ഷണം സ്വീകരിച്ചു. ആർ.എൽ.വി. ആദ്യമായാണ് തനിക്ക് ഇത്തരമൊരു അവസരം ലഭിക്കുന്നതെന്ന് രാമകൃഷ്ണൻ പറഞ്ഞു. രാമകൃഷ്ണനും കലാമണ്ഡലത്തിലെ ഗവേഷക വിദ്യാർത്ഥിയായിരുന്നു.
