അയലാൻ ഒടിടിയിലേക്ക്
തമിഴിലെ മുന്‍നിര താരങ്ങളിലൊരാളാണ് ശിവ കാര്‍ത്തികേയന്‍ കുറഞ്ഞ കാലം കൊണ്ട് വമ്പന്‍ ഹിറ്റുകള്‍ തന്നെ ശിവ സ്വന്തമാക്കിയിട്ടുണ്ട്. പൊങ്കല്‍ റിലീസായി ശിവയുടെ കരിയറിലെ തന്നെ വന്‍ ബജറ്റില്‍ ഒരു ചിത്രം റിലീസായിരുന്നു. ശിവകാര്‍ത്തികേയൻ നായകനായി പ്രദര്‍ശിപ്പിച്ചുകൊണ്ടിരിക്കുന്ന അയലാൻ ഒടിടിയിലേക്കും അധികം വൈകാതെ എത്തും എന്നാണ് പുതിയ റിപ്പോര്‍ട്ട്.സണ്‍നെക്സാണ് ശിവകാര്‍ത്തികേയന്റെ അയലാൻ സിനിമയുടെ ഒടിടി റൈറ്റ്‍സ് നേടിയിരിക്കുന്നത്. ഫെബ്രുവരി 12 മുതല്‍ അയലാൻ ഒടിടിയില്‍ പ്രദര്‍ശിപ്പിച്ചേക്കുമെന്നാണ് റിപ്പോര്‍ട്ടുകള്‍ സൂചിപ്പിക്കുന്നത്.
മാവീരന്‍ എന്ന ബ്ലോക്ബസ്റ്റര്‍ ചിത്രത്തിന് ശേഷമുള്ള ശിവ കാര്‍ത്തികേയന്റെ റിലീസാണിത്. ചിത്രത്തിന്റെ പ്രധാന ആകര്‍ഷണം വിഎഫ്എക്‌സ് തന്നെയാണ്. അറുപതില്‍ അധികം വിഎഫ്എക്‌സ് ഷോട്ടുകള്‍ ചിത്രത്തിലുണ്ട്. അയലാനായി ഒരു പ്രതിഫലവും വാങ്ങിച്ചിട്ടില്ലെന്ന് പറഞ്ഞിരുന്നു നായകൻ ശിവകാര്‍ത്തികേയൻ എന്ന് നേരത്തെ റിപ്പോര്‍ട്ടുകളുണ്ടായിരുന്നു. സിനിമ റിലീസാകുക എന്നതാണ് തനിക്ക് തന്റെ ശമ്പളത്തേക്കാള്‍ പ്രധാനം എന്നും ശിവകാര്‍ത്തികേയൻ നേരത്തെ വ്യക്തമാക്കിയതായി ട്രേഡ് അനലിസ്റ്റുകള്‍ സാമൂഹ്യ മാധ്യമങ്ങളില്‍ പങ്കുവച്ചിരുന്നുമൂന്ന് ദിനം കൊണ്ട് 13.40 കോടിയാണ് ചിത്രത്തിന്റെ കളക്ഷന്‍. ധനുഷിന്റെ ചിത്രവുമായി ക്ലാഷില്ലായിരുന്നെങ്കില്‍ ഇതിലും കൂടുതല്‍ കളക്ഷന്‍ ചിത്രം നേടുമായിരുന്നു. തിങ്കളാഴ്ച്ച ചിത്രം നല്ല രീതിയില്‍ തന്നെ കളക്ട് ചെയ്യുമെന്നാണ് ട്രേഡ് അനലിസ്റ്റുകള്‍ പറയുന്നത്. വീണ്ടുമൊരു സൂപ്പര്‍ ഹിറ്റ് കൂടി ശിവ കാര്‍ത്തികേയന്‍ അങ്ങനെയാണെങ്കില്‍ സ്വന്തമാക്കുമെന്നാണ് സൂചന.
