ശ്രദ്ധ നേടി മോഹൻലാലിന്റെ വോയിസ് ക്ലിപ്പ്
മലയാളത്തില്‍ സമീപകാലത്ത് ഏറ്റവും വലിയ പ്രീ റിലീസ് ഹൈപ്പോടെ എത്തുന്ന ചിത്രമാണ് മലൈക്കോട്ടൈ വാലിബന്‍. ലിജോ ജോസ് പെല്ലിശ്ശേരിയുടെ സംവിധാനത്തില്‍ മോഹന്‍ലാല്‍ നായകനാവുന്ന ചിത്രം എന്നതാണ് ചിത്രത്തിന്‍റെ യുഎസ്‍പി. ആരാധകരും സിനിമാപ്രേമികളും ഒരുപോലെ സിനിമയ്ക്കായി കാത്തിരിക്കുമ്പോൾ ആ പ്രതീക്ഷകളെ ഉയർത്തും വിധമുള്ള ഒരു ശബ്ദരേഖയാണ് ഇപ്പോൾ വൈറലാകുന്നത്.വലിയ ഹൈപ്പ് വിനയാവുമോ എന്നും ആരാധകരില്‍ ഒരു വിഭാഗത്തിന് ഭയമുണ്ട്. ഏത് തരം പ്രതീക്ഷയുമായാണ് തിയറ്ററുകളിലേക്ക് എത്തേണ്ടതെന്ന് പ്രീ റിലീസ് അഭിമുഖങ്ങളില്‍ ലിജോയും മോഹന്‍ലാലുമടക്കം പലകുറി വിശദീകരിച്ചിരുന്നു
‘എന്തിനാണ് പരിഭ്രമിക്കുന്നത്? നമ്മൾ ഗംഭീരമായ ഒരു സിനിമയാണ് ചെയ്തിരിക്കുന്നത്. സന്തോഷത്തോടെയിരിക്കൂ, സമാധാനമായി പോയി ഉറങ്ങൂ. നമ്മൾ സിനിമയെ ആഘോഷിക്കും,’ എന്നാണ് മോഹൻലാൽ പറയുന്നത്. ഈ വാക്കുകൾ സിനിമയുടെ മേലുള്ള ആരാധകരുടെ പ്രതീക്ഷ വർധിപ്പിച്ചിരിക്കുകയാണ്.
റിലീസിന് ആറ് ദിവസം ശേഷിക്കെ പ്രീ റിലീസ് ബുക്കിംഗ് തുടങ്ങിയ ചിത്രമാണ് വാലിബന്‍. അതിന്‍റെ ഗുണം ഓപണിംഗ് കളക്ഷനില്‍ പ്രതിഫലിക്കുമെന്ന് ഉറപ്പാണ്. വിദേശ മാര്‍ക്കറ്റുകളിലും വന്‍ റിലീസ് ആണ് ചിത്രത്തിന്.
