രാഹുൽ ഗാന്ധി നയിക്കുന്ന ഭാരത് ജോഡോ ന്യായ് യാത്ര ഇന്ന് അസമിലെ ഗുവാഹത്തിയിൽ
രാഹുൽ ഗാന്ധി നയിക്കുന്ന ഭാരത് ജോഡോ ന്യായ് യാത്ര ഇന്ന് അസമിലെ ഗുവാഹത്തിയിൽ. വിദ്യാർഥികളുമായും സമൂഹത്തിന്റെ വിവിധ തുറകളിലുള്ളവരുമായും രാഹുൽ ഗാന്ധി കൂടിക്കാഴ്ച നടത്തും. കാൽനടയായും കാറിലും ബസിലുമാണ് ഇന്നത്തെ യാത്ര. ഉച്ചയ്ക്ക് ഒരു മണിക്ക് കാംരൂപിൽ രാഹുൽ മാധ്യമങ്ങളെ കാണും. പ്രസ് ക്ലബ്ബിൽ വാർത്താസമ്മേളനം നടത്താൻ സർക്കാർ അനുമതി നൽകിയില്ലെങ്കിൽ ക്യാമ്പിലെത്തി രാഹുൽ മാധ്യമങ്ങളെ കാണും.
ഗുവാഹത്തിയിൽ യാത്ര നടത്താൻ അനുമതി നൽകിയിട്ടില്ലെന്നും കോൺഗ്രസ് അറിയിച്ചു. സംഘര് ഷ സാഹചര്യത്തില് രാഹുലിന്റെ യാത്രയ്ക്ക് കര് ശന സുരക്ഷാ ക്രമീകരണങ്ങളാണ് ഒരുക്കിയിരിക്കുന്നത്. ഗതാഗതക്കുരുക്കും സംഘർഷ സാധ്യതയും കണക്കിലെടുത്താണ് യാത്രാനുമതി നിഷേധിച്ചതെന്ന് സർക്കാർ പറയുന്നു.
