വിശ്വാസികളുടെ ശ്രീരാമൻ അപഹരിക്കപ്പെട്ടെന്ന് എം സ്വരാജ്

വിശ്വാസികളുടെ ശ്രീരാമൻ അപഹരിക്കപ്പെട്ടെന്ന് സിപിഎം നേതാവും മുൻ എംഎൽഎയുമായ എം സ്വരാജ്.വിശ്വാസികളുടെ ശ്രീരാമനെ തട്ടിക്കൊണ്ടുപോയെന്നും ഗോഡ്‌സെ രാമനെയും തട്ടിക്കൊണ്ടുപോയി രാഷ്ട്രപിതാവിന്റെ ജീവനെടുത്തെന്നും അദ്ദേഹം ചൂണ്ടിക്കാട്ടി. ഇന്നലെ ദൈവമായിരുന്ന ശ്രീരാമനെ അവർ തിരഞ്ഞെടുപ്പിന് വിഷയമാക്കിയെന്നും സ്വരാജ് കുറിച്ചു. ഇന്ന് അയോധ്യ ശ്രീരാമക്ഷേത്രത്തിൽ പ്രാൺ പ്രതിഷ്ഠ നടക്കും. ഈ പശ്ചാത്തലത്തിലാണ് സ്വരാജിന്റെ അഭിപ്രായം.

ഫേസ്ബുക്ക് കുറിപ്പ് പൂർണരൂപത്തിൽ 

അപഹരിക്കപ്പെട്ട ദൈവം .. 
വിശ്വാസികളുടെ ശ്രീരാമൻ അപഹരിക്കപ്പെട്ടു . .  
രാഷ്ട്രപിതാവിൻ്റെ പ്രാണനെടുത്ത ഗോഡ്‌സെ രാമനെയും  അപഹരിച്ചു. 
ഇന്നലെ ദൈവമായിരുന്ന ശ്രീരാമനെ
അവർ ഇന്നൊരു തിരഞ്ഞെടുപ്പ് പ്രചരണ വിഷയം മാത്രമാക്കി മാറ്റി.