വഡോദരയിൽ ബോട്ട് മറിഞ്ഞു ഉണ്ടായ ദുരന്തത്തിൽ മരിച്ചവരുടെ എണ്ണം 16 ആയി
വഡോദരയിൽ ബോട്ട് മറിഞ്ഞു ഉണ്ടായ ദുരന്തത്തിൽ മരിച്ചവരുടെ എണ്ണം 16 ആയി. 14 വിദ്യാർത്ഥികളും രണ്ട് അധ്യാപകരും ആണ് മരിച്ചത്നഗരത്തിലെ ന്യൂ സൺ റൈസ് സ്കൂളിൽനിന്ന് വിനോദയാത്രയ്ക്കെത്തിയ സംഘമാണ് അപകടത്തിൽപ്പെട്ടത്. വ്യാഴാഴ്ച വൈകീട്ട് 4.30-നാണ് ഇവർ ബോട്ടിൽ കയറിയത്. 23 കുട്ടികളും നാല് അധ്യാപകരുമാണ് ബോട്ടിൽ ജീവനക്കാർക്ക് പുറമേ ഉണ്ടായിരുന്നത്
14 പേർക്ക് പരമാവധി യാത്ര ചെയ്യാൻ കഴിയുന്ന ബോട്ടിൽ 30ലേറെ പേരെ കയറ്റി എന്ന് പ്രാഥമിക അന്വേഷണത്തിൽ തന്നെ വ്യക്തമായി. ഒന്നു മുതൽ 6 വരെ ക്ലാസുകൾ ഉള്ള വിദ്യാർത്ഥികൾ ആണ് വിനോദയാത്രയുടെ ഭാഗമായി തടാകത്തിൽ എത്തിയത്. പുറപ്പെട്ട് അധികം വൈകാതെ തല കീഴായി മറിഞ്ഞു. തടാകത്തിനടിയിൽ ചെളിയായിരുന്നത് രക്ഷാപ്രവർത്തനത്തെ ബാധിച്ചു. ഫയർ ഫോഴ്സും ദേശീയ ദുരന്ത നിവാരണ സേനയുമാണ് രക്ഷാപ്രവർത്തനം നടത്തിയത്. 12 പേരെ വിവിധ ആശുപത്രികളിൽ പ്രവേശിപ്പിച്ചു.ജാക്കറ്റ് അടക്കം സുരക്ഷാസംവിധാനങ്ങൾ ഒന്നും തന്നെ ബോട്ടിൽ ഉണ്ടായിരുന്നില്ല. സംഭവത്തെക്കുറിച്ച് 10 ദിവസത്തിനകം റിപ്പോർട്ട് നൽകാൻ സംസ്ഥാന സർക്കാർ ജില്ലാ കലക്ടർക്ക് നിർദ്ദേശം നൽകിയിട്ടുണ്ട്.
