പുതിയ അയോധ്യ ഇന്റർനാഷണൽ എയർപോർട്ടിന് പേര് നൽകി
പുതുതായി നിർമ്മിച്ച അയോദ്ധ്യ ഇന്റർനാഷണൽ എയർപോർട്ടിന് പേര് നൽകി. മഹാഋഷി വാത്മീകി ഇന്റർനാഷണൽ എയർപോർട്ട് എന്നാണ് നൽകിയിരിക്കുന്ന പേര്ഡിസംബർ 30 ശനിയാഴ്ച പ്രധാനമന്ത്രി നരേന്ദ്ര മോദി ഈ വിമാനത്താവളത്തിന്റെ ഉദ്ഘാടനം നിർവഹിക്കും. തീർത്ഥാടകർക്കും വിനോദസഞ്ചാരികൾക്കും യാത്ര എളുപ്പമാക്കുന്നതിനൊപ്പം വലിയൊരു സാംസ്കാരിക പ്രാധാന്യവും ഈ എയർപോർട്ടിനുണ്ട്.
അയോദ്ധ്യയിൽ നിർമ്മാണം പൂർത്തിയാക്കിയ റെയിൽവേ സ്റ്റേഷനും അദ്ദേഹം ഉദ്ഘാടനം ചെയ്യും. തുടർന്ന് അയോദ്ധ്യയിൽ റോഡ് ഷോയും നടത്തും.ഹിന്ദു ദൈവമായ രാമന്റെ ജീവിതത്തിൽ നിന്ന് പ്രചോദനം ഉൾക്കൊണ്ടാണ് വിമാനത്താവളത്തിന്റെ ഘടന ഡിസൈൻ ചെയ്തതെന്നും ഭഗവാൻ രാമന്റെ ജീവിതത്തിന്റെ നേർക്കാഴ്ച തന്നെ പ്രദാനം ചെയ്യുന്ന ലോകത്തിലെ ഏക വിമാനത്താവളവും ഇതായിരിക്കണമെന്ന് പ്രത്യേകം നിർദേശം ഉണ്ടായിരുന്നു എന്നും വിപുൽ വർഷ്നേയ് കൂട്ടിച്ചേർത്തു.
