ഒടുവിൽ ഉടൽ സിനിമ ഒടിടിയിലേക്ക്; റിലീസ് ചെയ്യുന്നത് സൈന പ്ലേയിൽ
ഇന്ദ്രൻസ്, ധ്യാൻ ശ്രീനിവാസൻ, ദുർഗ കൃഷ്ണ എന്നിവർ കേന്ദ്ര കഥാപാത്രങ്ങളായ ‘ഉടൽ’ ഒടിടിയിലേയ്ക്ക്.ഏറെ നാളത്തെ കാത്തിരിപ്പിനൊടുവിലാണ് ചിത്രം ഒടിടിയിലേക്ക് എത്തുന്നത്.സൈന പ്ലേയാണ് ചിത്രത്തിന്റെ ഒടിടി റൈറ്റ് സ്വന്തമാക്കിയത്. രതീഷ്‌തന്നെയാണ് ഒടിടി റിലീസിന്റെ കാര്യം സോഷ്യൽ മീഡിയയിലൂടെ പുറത്തുവിട്ടത്.
ശ്രീ ഗോകുലം മൂവീസിന്റെ ബാനറിൽ ശ്രീ ഗോകുലം ഗോപാലൻ ആണ് ഉടൽ നിർമ്മിച്ചത്. ക്രിസ്തുമസ് കഴിഞ്ഞയുടൻ ഒടിടി പ്രദർശനം ആരംഭിക്കുമെന്നാണ് നിർമ്മാതാക്കൾ അറിയിച്ചത്. തീയേറ്ററില്‍ റിലീസ് ചെയ്ത് ഒന്നരവർഷത്തിന് ശേഷമാണ് ചിത്രം ഒടിടിയിൽ റിലീസ് ചെയ്യുന്നത്. 2022 മെയ് 20 നായിരുന്നു ഉടൽ തീയേറ്ററിൽ റിലീസ് ചെയ്തത്.കുട്ടിച്ചായൻ എന്നായിരുന്നു ഇന്ദ്രൻസ് കഥാപാത്രത്തിന്റെ പേര്. കിരൺ എന്ന കഥാപാത്രമായി ധ്യാൻ ശ്രീനിവാസനും ഷൈനി ചാക്കോയായി ദുർഗ കൃഷ്ണയും വേഷമിട്ടു.ഗോകുലം മൂവീസിന്റെ ബാനറിൽ ഗോകുലം ഗോപാലൻ നിർമിച്ച ചിത്രത്തിന്റെ ഛായാഗ്രഹണം മനോജ് പിള്ളയും എഡിറ്റ് നിഷാദ് യൂസഫുമായിരുന്നു. വില്യം ഫ്രാൻസിസ് ആയിരുന്നു സംഗീത സംവിധാനം. പ്രവീൺ, ബൈജു ഗോപാലൻ എന്നിവരായിരുന്നു ചിത്രത്തിന്റെ സഹനിർമാതാക്കള്‍.
