കിംഗ് ഓഫ് കൊത്തയിലെ പുതിയ ഗാനം പുറത്ത്
ദുല്‍ഖര്‍ സല്‍മാന്‍റെ ഏറ്റവും പുതിയ ചിത്രമായ ‘കിംഗ് ഓഫ് കൊത്ത’യിലെ പുതിയ ഗാനം പുറത്ത്. ചിത്രത്തിലെ ‘ഈ ഉലകിന്‍’ എന്ന ഗാനമാണ് അണിയറപ്രവര്‍ത്തകര്‍ പുറത്തുവിട്ടത്. ദുല്‍ഖര്‍ സല്‍മാന്‍ തന്‍റെ ഫേസ്‌ബുക്ക് പേജിലൂടെയാണ് ഗാനം പുറത്തുവിട്ടത്. ഷാന്‍ റഹ്മാന്‍റെ മനോഹര സംഗീതത്തിലുള്ള ഈ ഗാനത്തിലുടനീളം ദുല്‍ഖര്‍ സല്‍മാന്‍റെയും ഐശ്വര്യ ലക്ഷ്‌മിയുടെയും പ്രണയ രംഗങ്ങളാണുള്ളത്. മനു മഞ്ജിത്തിന്‍റെ ഗാന രചനയില്‍ ശ്രീജിഷ് സുബ്രഹ്മണ്യം ആണ് ഈ റൊമാന്‍റിക് ഗാനം ആലപിച്ചിരിക്കുന്നത്. പുറത്തിറങ്ങി നിമിഷ നേരം കൊണ്ട് തന്നെ ഗാനം ആരാധകര്‍ ഏറ്റെടുത്തു കഴിഞ്ഞു. മലയാളത്തിന് പുറമെ നാല് ഭാഷകളിലും ഗാനം പുറത്തിറങ്ങിയിട്ടുണ്ട്. തമിഴില്‍ ‘എന്‍ ഉയിരെ’, തെലുങ്കില്‍ ‘നാ ഊപിരെ’, ഹിന്ദിയില്‍ ‘യേ ദില്‍ മേരാ’ എന്നിങ്ങനെയാണ് ഗാനങ്ങള്‍ പുറത്തിറങ്ങിയത്. തമിഴില്‍ സത്യപ്രകാശും, തെലുങ്കില്‍ ശ്രീ കൃഷ്‌ണനും, ഹിന്ദിയില്‍ അമിത് മുത്രേജയുമാണ് ഈ ഗാനം ആലപിച്ചിരിക്കുന്നത്
