അമ്പരപ്പിച്ച് രജനി; ‘ജയിലറി’ന്റെ ട്രെയിലർ പുറത്ത്

രജനികാന്ത് നായകനാകുന്ന ‘ജയിലറി’ന്റെ ട്രെയിലർ പുറത്ത്. രജനിയുടെ വൺമാൻ ഷോ തന്നെയാണ് ട്രെയിലറിന്റെ ആകർഷണം.മികച്ച രംഗങ്ങൾകൊണ്ടും സമ്പന്നമാണ് ട്രെയിലർ . വിനായകനാണ് രജനിയുടെ വില്ലനായി എത്തുന്നത്. ഓഗസ്റ്റ് 10ന് ചിത്രം തിയറ്റുകളിലെത്തും. സുനിൽ, രമ്യ കൃഷ്ണൻ, ജാക്കി ഷ്റോഫ്, യോഗി ബാബു എന്നിവരെ കാണാം. ‘മുത്തുവേൽ പാണ്ഡ്യൻ’ എന്ന കഥാപാത്രത്തെയാണ് ജയിലറിൽ രജനികാന്ത് അവതരിപ്പിക്കുന്നത്. ഹിറ്റ് അടിക്കുമെന്ന് ഉറപ്പിച്ചാണ് ഇത്തവണ നെൽസണെത്തുന്നതെന്ന് ട്രെയിലർ സൂചന നൽകുന്നു. രണ്ട് മണിക്കൂറിനുള്ളിൽ 20 ലക്ഷത്തിൽ അധികം പേരാണ് വീഡിയോ കണ്ടത് . മോഹൻലാൽ, ശിവ് രാജ്കുമാർ എന്നിവർ അതിഥി വേഷങ്ങളിലെത്തുന്നുണ്ട്. സ്റ്റണ്ട് ശിവയാണ് ആക്ഷൻ കൊറിയോഗ്രാഫര്‍. അനിരുദ്ധ് രവിചന്ദര്‍ സംഗീതം പകരുന്നു. വിജയ് കാര്‍ത്തിക് കണ്ണനാണ് ഛായാഗ്രാഹണം. റാമോജി റാവു ഫിലിം സിറ്റിയിലും ഒരു കൂറ്റന്‍ സെറ്റ് ചിത്രത്തിനുവേണ്ടി ഒരുക്കിയിരുന്നു. ‘അണ്ണാത്തെ’യ്ക്കു ശേഷം എത്തുന്ന രജനികാന്ത് ചിത്രമാണ് ‘ജയിലര്‍’.