വിനയ് ഫോര്‍ട്ടിന്റെ ‘വാതിൽ’ ഓണത്തിന്
വിനയ് ഫോര്‍ട്ടിനെ കേന്ദ്രകഥാപാത്രമാക്കി സര്‍ജു രമാകാന്ത് സംവിധാനം ചെയ്ത ചിത്രമാണ് ‘വാതില്‍.’ ചിത്രം റിലീസിനോടടുക്കുകയാണ്. ഓണം റിലീസായി ഓഗസ്‌റ്റ് 31നാണ് ‘വാതില്‍’ തിയേറ്ററുകളില്‍ എത്തുന്നത്. വിനയ് ഫോര്‍ട്ടിനെ കൂടാതെ കൃഷ്‌ണ ശങ്കറും സിനിമയില്‍ പ്രധാന വേഷത്തില്‍ എത്തുന്നുണ്ട്. അനു സിത്താരയാണ് നായിക. മെറിൻ ഫിലിപ്പും ഒരു സുപ്രധാന വേഷം കൈകാര്യം ചെയ്യുന്നുണ്ട്. വിനയ് ഫോര്‍ട്ട്, കൃഷ്‌ണ ശങ്കര്‍ എന്നിവരെ കൂടാതെ സുനില്‍ സുഖദ, അബിന്‍ ബിനോ, ഉണ്ണിരാജ്, വി കെ ബെെജു, സ്‌മിനു, അഞ്ജലി നായര്‍ തുടങ്ങിയവരും ചിത്രത്തില്‍ അണിനിരക്കുന്നു.നേരത്തെ ചിത്രത്തിലെ ‘ജീവിതമെന്ന തമാശ’, ‘കനിവേ എവിടെ ‘ എന്നീ ഗാനങ്ങള്‍ പുറത്തിറങ്ങിയിരുന്നു. ഇരുഗാനങ്ങളും പ്രേക്ഷക ശ്രദ്ധ നേടിയിരുന്നു.
സ്‌പാര്‍ക്ക് പിക്‌ചേഴ്‌സിന്‍റെ ബാനറില്‍ സുജി കെ ഗോവിന്ദ് രാജ് ആണ് ചിത്രം നിര്‍മിച്ചിരിക്കുന്നത്. സിനി ലൈൻ എന്‍റര്‍ടെയിന്‍മെന്‍റാണ് ‘വാതില്‍’ പ്രദര്‍ശനത്തിന് എത്തിക്കുന്നത്. ഷംനാദ് ഷബീര്‍ ആണ് സിനിമയുടെ തിരക്കഥയും സംഭാഷണവും ഒരുക്കിയിരിക്കുന്നത്.മനേഷ് മാധവന്‍ ഛായാഗ്രഹണവും ജോണ്‍ക്കുട്ടി എഡിറ്റിങ്ങും നിര്‍വഹിച്ചിരിക്കുന്നു. വിനായക് ശശികുമാർ, സെജോ ജോൺ എന്നിവര്‍ ചേര്‍ന്നാണ് സിനിമയ്‌ക്ക് വേണ്ടി ഗാന രചന നിര്‍വഹിച്ചിരിക്കുന്നത്. സെജോ ജോണ്‍ ആണ് സംഗീതം ഒരുക്കിയിരിക്കുന്നത്. കല – സാബു റാം, മേക്കപ്പ് – അമല്‍ ചന്ദ്രന്‍, വസ്ത്രാലങ്കാരം – അരുണ്‍ മനോഹര്‍, പ്രൊഡക്ഷന്‍ കണ്‍ട്രോളര്‍ – ഷാജി കാവനാട്ട്, പ്രോജക്‌ട് ഡിസൈനർ – റഷീദ് മസ്‌താൻ, എക്‌സിക്യൂട്ടീവ് പ്രൊഡ്യൂസര്‍ – അനൂപ് കാരാട്ട് വെള്ളാട്ട്, റിയാസ് അടക്കണ്ടി, കോ പ്രൊഡ്യൂസർ – രജീഷ് വാളാഞ്ചേരി, പ്രൊഡക്ഷന്‍ എക്‌സിക്യൂട്ടീവ് – സുധര്‍മ്മന്‍ വള്ളിക്കുന്ന്, സ്‌റ്റില്‍സ് -ബിജിത്ത് ധര്‍മ്മടം, പരസ്യക്കല – യെല്ലോ ടൂത്ത്‌സ്‌, പിആർഒ – എഎസ് ദിനേശ് എന്നിവരും നിര്‍വഹിച്ചിരിക്കുന്നു.
