ബോളിവുഡ് താരം തപ്സി പന്നു വീണ്ടും തമിഴിൽ

ബോളിവുഡിലെ മുൻനിര നായികയായ തപ്സി പന്നു വീണ്ടും തമിഴിൽ. രണ്ട് വർഷത്തിന് ശേഷമാണ് താരം തമിഴകത്തേക്ക് തിരിച്ചെത്തുന്നത് .ഭരത് നീലകണ്ഠൻ സംവിധാനം ചെയ്യുന്ന ‘ഏലീൻ ‘എന്ന ചിത്രത്തിലാണ് തപ്‌സി എത്തുക. പാഷൻ സ്റ്റുഡിയോസ് നിർമ്മിക്കുന്ന ചിത്രത്തിന്റെ ചിത്രീകരണം പുരോഗമിക്കുന്നു.
ഫിക്ഷൻ ചിത്രമായ ഏലീന്റെ വിഎഫ്എക്സിന് പത്തുകോടിയാണ്. 2021ൽ അനബെല്ലെ സേതുപതി ആണ് തപ്സി നായികയായി അവസാനം റിലീസ് ചെയ്ത ചിത്രം. ഒ ടി ടി പ്ലാറ്റ്‌ഫോമിൽ ആയിരുന്നു സ്ട്രീമിംഗ്.വെട്രിമാരൻ സംവിധാനം ചെയ്ത ധനുഷ് ചിത്രം ആടുകളത്തിലൂടെയാണ് തപ്സി പന്നു തമിഴകത്തെ യാത്ര ആരംഭിക്കുന്നത്. ആടുകളത്തിനുശേഷം ശക്തമായ കഥാപാത്രങ്ങൾ തമിഴിൽ നിന്ന് തേടിവന്നില്ല. കാഞ്ചന 2, വെയ് രാജാ വെയ് എന്നിവയാണ് തമിഴിൽ തപ്സിയുടെ മറ്റ് ശ്രദ്ധേയ ചിത്രങ്ങൾ. ബോളിവുഡിൽ തപ്സി ശക്തമായ സാന്നിദ്ധ്യം അറിയിക്കുകയും ചെയ്തു.